環球趣聞|印度噪音污染之首竟是汽車喇叭聲?馬路上響喇叭是「傳統」!

路上好多大貨車背後都用印度文或英上上一句提示「請按喇叭」。
(圖:IndiaTruckOrg@Twitter)
路上好多大貨車背後都用印度文或英上上一句提示「請按喇叭」。 (圖:IndiaTruckOrg@Twitter)

眾所周知馬路上響喇叭代表危險提示,好多地方都唔容許司機亂用喇叭,甚至會作出處分,不過印度就與之相反,鼓勵司機多用喇叭。去過印度嘅朋友都應該見到路上好多大貨車背後都用印度文或英文寫上一句提示「請按喇叭」。

好多年之前印度多數公路係單線行車,背後貼上提示可避免意外發生。
(圖:IndiaTruckOrg@Twitter)
好多年之前印度多數公路係單線行車,背後貼上提示可避免意外發生。 (圖:IndiaTruckOrg@Twitter)

於印度,司機歡迎後方車輛超車前先按喇叭提示前方司機,甚至於學車時已經係課程之一,起源於好多年之前印度多數公路係單線行車,而好多貨車嘅倒後鏡都係損壞,所以睇唔到後車,於是就貼上「請按喇叭」於背後歡迎後車提示,以免出現危險。久而久之按喇叭變成印度司機習慣,唔單止超車,但凡一唔耐煩就會狂按,紅綠燈起步慢1秒已被後車響喇叭。

印度城市6大噪音污染中以汽車噪音排第一位。
(圖:IndiaTruckOrg@Twitter)
印度城市6大噪音污染中以汽車噪音排第一位。 (圖:IndiaTruckOrg@Twitter)

印度各大城市中,一眾車輛喇叭聲此起彼落,2018年印度政府發出過報告,城市6大噪音污染中以汽車噪音排第一位,日頭嘅聲音分音可達67.8、晚上仍有64 !隨著發展,政府希望改變司機習慣,例如孟買曾經推出「懲罰性交通燈」,一旦偵測到車輛發出超過85分貝噪音,就會將紅燈燈號延遲至85秒。

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

日本旅遊|地鐵月台開診所 全日本首間已開業!

環球趣聞|賞櫻季節到 日本東大禁止學生「睇櫻花」惹不滿

環球趣聞|日本扭蛋走火入魔?推出陌生人證件相竟大受歡迎

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能