厚料吸汗收肚腩 3個時尚瑜伽服品牌香港都買到!

呢個人人健身嘅年代,總要有一兩套「打卡able」運動套裝傍身吧!近年好多女生揀做瑜伽keep fit,對女生嚟講,運動衫唔只要舒服方便,仲有一個重點就係要靚!睇厭傳統大品牌款式?以下介紹3個來自唔同地方嘅瑜伽服飾品牌,香港亦有實體店或被引入,愛美Yogis必買!

1.Lululemon

被譽為「加拿大第一專業運動品牌」,佢嘅運動褲更加係每個加拿大女仔衣櫃必備item!Lululemon同時亦係瑜伽界大熱品牌,運動內衣包覆性強,其招牌特製物料有快速吸汗、高彈力及高透氣等功能,雖然平均價錢稍貴,但著過你就知係物有所值。

比起淨色,佢哋嘅瑜珈服亦有唔同嘅pattern,夠晒特別,着嚟上瑜珈堂又靚又搶眼。如果唔鍾意太花又嫌淨色設計太普通,可以考慮下通花設計。

Sports Bra $320

Leggings $750

Lululemon在中環IFC、金鐘太古廣場、銅鑼灣Hysan Place、九龍塘又一城及沙田新城市廣場均設有分店。

—————————–

2.Xexymix

Xexymix係韓國本土瑜珈服品牌,2015年創立,名稱係由"X"和"SEXY"結合,希望將運動女生好身材展現出來,達到"無限性感";同時"“MIX"係希望可以將運動服與日常休閒服結合。

旗下瑜珈服賣點係自家設計嘅布料及獨家3D剪裁,當中最熱賣一定係CELLA系列瑜伽褲,面料快乾吸濕,而且可以收起肚腩,突顯身形線條!近日新推防水sports bra及leggings,可以當埋泳衣著,上山下海都冇問題!部分leggings $200零有交易,性價比高,產品於韓國生活百貨Brand X Concept 有售。

8分長運動褲$289

Sports Bra $220

韓國生活百貨Brand X Concept

地址:觀塘成業街6號泓富廣場1707室

電話:2618 2075

—————————–

3.Wakingbee

Wakingbee係曼谷新興設計品牌,專為亞洲女性身形比例量身打造,無論係健身、瑜伽或其他有氧訓練適合著上。

當中最人氣非呢款WB Bra運動內衣莫屬,下襬特別使用交叉剪裁,背後結合鏤空設計,流露絲絲性感!加上款式粉嫩甜美,細節具心思,著上舒適又可以修飾胸型,甜美少女們一定鍾意!

超夢幻棉花糖色WB Bra,深受網紅歡迎。$360

小清新碎花圖案加粉彩色,少女心大爆發!$419

Wakingbee由WARM UP GIRLS運動生活百貨獨家代理,得閒可以上去荔枝角陳列室揀揀!

WARM UP GIRLS運動生活百貨

地址:荔枝角永康街77號環薈中心13樓1315室

電話:6462 8296

————————-

同場加映:第9屆「IRIS: Your Escape with ManulifeMOVE」大型運動健康節

9月入秋開始有涼意,係做戶外運動好時候,介紹各位瑜伽及運動愛好者參加第九屆「IRIS: Your Escape」,帶來逾80場唔同主題嘅瑜珈、健身、舞蹈、冥想及講座等活動,加上互動藝術表演、天然健康市集等。

與過往幾屆一樣,是次活動劃分為6大主題舞台,包括瑜伽舞台 (Yoga Stage)、體能專區(Fit District)、禪修園林(Zen Garden)、無聲派對 (Silent Disco Powered by The Yoga Room)、探索地帶 (The Playground) 及 IRIS專題研討坊 (IRIS Insider Powered by DBS)。

大會繼續邀請多位瑜珈達人及冠軍導師,包括IRIS課程設計總監之一-瑜伽導師Victor Chau、達摩瑜伽導師Delia Leung(梁惠婷)、首位奪得國際瑜伽錦標賽冠軍嘅魏秋琪等,為大家帶來全方位瑜珈體驗,無論係初學或進階人士都可以參與。

Victor Chau –IRIS課程設計總監之一

達摩瑜伽導師Delia Leung

魏秋琪係世界第一位得到瑜伽冠軍嘅媽媽!


第9屆「IRIS: Your Escape with ManulifeMOVE」

日期:9月21至22日

地點:中環海濱活動空間

報名網址:www.irisyourescape.com


更多相關文章

獻給瑜伽愛好者,9個新勢力瑜伽服品牌推薦

推介12款高質sport bra 做瑜伽打卡要穿得美

款式超多又美、做運動更有動力!4間高質淘寶運動服店推介