去世阿爺玩嘢錄音扮被困棺材 親友破涕為笑

19+

 

正所謂「留低嘅都係一份心意,而唔係負擔」,

無論你信「人死如燈滅」抑或另有出路,兩腳一伸之後,

其實冇咩控制到,但係最好啲摯愛親朋唔好太傷心啦。

 

所以走之前最好預備一下,你可以學吓呢位老友記。

有8個孫嘅愛爾蘭阿爺Shay,平時份人古靈精怪搞吓惡作劇,

都係想一家人開開心心。

早排Shay過身,喺靈柩入土之際,銀樂隊吹起風笛……

突然間聽到把聲,由墓地傳出。

 

「喂,放我出嚟啦!呢度好黑呀!」,仲要有幾下敲棺材聲。

 

係Shay把聲,係佢一生中最後一個惡作劇。

 

「係咪得阿牧師聽到呀?」

 

在場喊緊嘅咁多位都笑咗出嚟。

 

原來Shay生前同阿仔夾定,喺呢個時候播呢段錄音。

連Shay嘅太太都係葬禮前一日先知。

 

拍低當時情況嘅片段喺網上熱傳,

唔少網友都激讚Shay嘅做法,甚至覺得錄呢段「笑話」,要好大勇氣。

 

其實都唔駛驚嘅,好唔好笑,都唔到自己管lu~

原文傳送門

你可能還想看