去年富貴買樓 葉子楣鬆身衫變貼身激凸Top

有「波霸」之稱嘅90年代艷星葉子楣，息影多年，早就絕跡娛樂界，不過近日有網友上載社交派對大合照時，就驚現葉子楣身影！現年56歲嘅佢，身穿白色露肩吊帶上衣，超緊身剪裁盡現火辣身材，同時佢仲大騷纖腰，索到爆晒燈！見佢退出多年都做好身材管理，見身形瘦削嘅佢大晒鎖骨，面細細，手臂又纖幼，皮膚更係白滑，保養得宜，一頭清爽短髮嘅佢企埋多位年輕好友身邊都冇輸蝕，美貌出眾。去年，葉子楣斥資3千6百萬購入何文田千呎豪宅，生活相當富貴。