又有世紀筍工 今次係牙買加海上酒吧請酒保

19+

 

久不久都有「世紀筍工」出現。

賣點都係咁上下︰返工地點唔係office而係大自然、工作唔多玩多過做,

人工仲一定好好。

 

而家又有一份啦~

 

牙買加一間開喺海中心嘅酒吧Floyd’s Pelican Bar,2001年開始營業,

喺呢個度假天堂可以話係熱點之一。

老細Floyd做咗咁多年見攰,想搵人幫手頂頂檔,等佢抖返一個禮拜。

打呢份工,你會學識仲最呃到like嘅飲品,

至於個環境……唔使講啦吓話?

有咩條件先做得?你要識得划船,樂意同當地人及遊客交流,

更加要識得同塘鵝social吓,請吓佢地食魚 -

間吧叫得Pelicans,都因為有塘鵝出沒之嘛。

搞得酒吧,音樂都好緊要,打咩碟播咩歌先令大家high high high,

就真係靠晒你啦。

 

香港人最緊要實際。代你問埋啦︰

返幾多日,咩人工咩福利?

 

7日,連埋酒店同機票。

 

呀,係,呢份工其實係英國一間旅行社搞出嚟嘅。

 

有興趣就去呢度望望啦。

 

不過呢類筍工出現咁多次,你咪又係得個睇字?

點解嘅呢?

原文傳送門

你可能還想看