又有男團出事 憶光年少年團12歲成員自揭係女仔!

·2 分鐘文章
又有男團出事 憶光年少年團12歲成員自揭係女仔!
又有男團出事 憶光年少年團12歲成員自揭係女仔!

國家廣播電視總局(廣電局)早前公布8大新規,當中就「堅決反對唯流量論」,令唔少「流量偶像」都一改風格,不過點都撳唔晒呢類「新興藝人」,當中內地養成系男團「憶光年」就以2000年後嘅男孩為主打,透過「練習生劇場公演」形式累積大批粉絲,點知尋日(11日)就驚爆成員付佳源其實係女仔,佢本人更加坦承同家長一齊「隱瞞性別」,欺騙粉絲同公司,仲上埋熱搜,吸引成1.2億閱讀量!

付佳源曾經係男團「憶光年」成員。
付佳源曾經係男團「憶光年」成員。

憶光年少年團受大批粉絲喜愛,在內地亦有一定知名度,又成日喺各地演出,點知被網友踢爆現年12歲嘅前成員付佳源真實身份為「女兒身」,佢唔只隱瞞身份參加節目錄影,令大眾誤以為佢係男生,仲欺騙粉絲製造帥氣形象。事件愈演愈烈,付佳源尋日就發文坦承隱瞞身份:「公司覺得我各方面不錯,有意簽我為藝人,當時還有其他公司一起找上門,最終選擇與憶光年合作,但是新疆疫情關係,一直去不成,所以年幼無知,隱瞞了公司自己的性別,欺騙了粉絲,對不起再次道歉。」隨後佢更加宣布退出演藝圈,並唔會喺短視頻平台露面。

原來…係女嚟?!
原來…係女嚟?!
真係做戲咁做…
真係做戲咁做…
佢親自發文自揭女生身份,震驚網友。
佢親自發文自揭女生身份,震驚網友。

憶光年所屬經紀公司隨後亦有發出聲明,強調當初受疫情影響只能線上面試練習生,而招募時付佳源與其家長隱瞞性別,聲稱自己係「男孩子」先會令事件發生,公司同付佳源嘅合約一早已結束,未來將會以更嚴格規章制度進行相關活動。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能