【又起爭議】的士可以合法載貨?

扮工男女

呢個時勢,搵食艱難,乜都要做,你睇貨車佬挺而走險,紅隧過海去銅鑼灣都要做就知。之但係,投訴貨Van載人成日見,日前竟然有的士行家,上載一段搬貨影片上網控訴,的士竟然淪成載貨工具﹗到底乜嘢叫「客貨要分家」?

事件引起極大爭議,唔少的士佬都話可以合法載貨,只要唔超重,就絕對無問題,有行家就話「無客載咪載貨囉。好過坐喺度戇居居等客」。

但有行家就貼出現行法例,直斥呢班犯法的士佬: 「在香港,的士是主要的客運公共交通工具之一。現時,本港有18,163輛的士,包括15,250輛市區的士(紅色)、2,838輛新界的士(綠色)和75輛大嶼山的士(藍色),平均每日載客量接近一百萬人次。的士為乘客提供直達目的地的個人化運輸服務。法例規定,除個人手提行李外,的士不可以用作運載貨物,所以乘客不應租賃的士作運載貨物用途。」(運輸署) 有人就串的士佬,如果GoGoGO侵埋一齊玩就好,不如索性搞個「GoGoTaxi」﹗ 其實,的士真係唔可以運載個人手提行李以外嘅貨物,每隔一排,警方就會出來呼籲的士司機,的士非法載貨可被判罰款2千港元。 睇完今次業界討論先知道,原來真係咁多人覺得,為咗搵食,就乜都無問題。

【相關搜尋】新界的士只載水貨客

===================

19網輕鬆爆料熱線,歡迎舉報老細同事19惡行,立即click入去講畀我哋知啦

其他內容