《反黑路人甲》演技出色 王浩信成今年視帝熱門人選?

《反黑路人甲》劇照
《反黑路人甲》劇照

無綫劇集《反黑路人甲》上星期播出大結局,自播放以來收視及討論度都一直高企,唔少人都估計《反黑路人甲》可以喺《2020萬千星輝頒獎典禮》獲得獎項。而男主角王浩信喺劇中飾演張細倫,憑出色及搞笑嘅演出,令佢人氣再度急升,唔少觀眾都讚佢表現出色,仲認為佢有可能再次獲得視帝寶座。

現年37歲王浩信嘅演藝事業並唔係一直順風順水。佢05年以歌手身份出道,又出碟又攞新人獎,外人睇佢覺得佢有唔錯成績。但原來入行初期工作量唔多,銀行戶口試過得雙位數,佢試過做完運動連想食碗公仔麵都俾唔起錢。

08年轉投公仔箱由低做起,直至12年喺《名媛望族》中被飾演爸爸嘅劉松仁怒摑13巴而成名。之後又因喺《法外風雲》中被謝雪心再摑23巴,因此被網民封為「兜巴信」。王浩信一直努力拍劇,直到16年同朱千雪拍攝《EU超時任務》獲得「最受歡迎劇集搭檔」獎項,17年再憑《踩過界》飾演盲俠一角榮升視帝,成功捱出頭。

至於感情方面,王浩信同陳自瑤喺2011年結婚至今,經常傳出婚變,不過二人一直未有回應

《反黑路人甲》劇照
《反黑路人甲》劇照
《反黑路人甲》劇照
《反黑路人甲》劇照
《反黑路人甲》劇照
《反黑路人甲》劇照