古天樂坐鎮 王敏奕唔敢爭歌唱

古天樂與林家棟雙影帝在新片中大鬥演技，同片的張繼聰與王敏奕則「棄唱」電影主題曲，更笑說：「點同古仔爭呀！」

古天樂與林家棟、張繼聰、王敏奕、楊偲泳等演出的電影《惡行之外》近日開鏡拜神。古仔與家棟在戲中皆飾演父親，各自為子女生死展開血淚交織的交鋒，古仔說：「今次我嘅角色要為個女報仇，家棟就為個仔擋，大家勢成水火。」而張繼聰與王敏奕飾演古仔的警隊拍檔，被問到可有興趣自薦唱主題曲，2人笑說：「我哋有『我最喜愛的男歌手』喺度，點同古仔爭呀？除非有5至6首插曲，我哋先有機會分到一小段唱吓！」笑爆全場。

片中飾演家棟兒子的林家熙（Locker），感激老闆古天樂給予新人機會，在旁的家棟即笑問：「咁老竇緊要，定係老闆緊要？」Locker醒目地回答：「老竇！」對於與同門師妹楊偲泳、林婷一齊拍戲，他說：「我哋幾個本身好熟，大家知道有份一齊演呢部戲，已私下溝通研究，為角色、劇本做定功課。」而要扮演輕度弱智的楊偲泳則透露，片中有被家棟追打的動作戲。

獲「囡囡」林婷讚善良

電影新人林婷飾演患有小兒麻痹症的角色，充滿挑戰，開工時與「父親」古仔對手戲多，她笑說：「佢比我想像中善良得多，以往被佢Cool嘅外形影響，以為佢惡惡哋，接觸後原來好親民。」新進導演郭文奇則表示：「作為新導演，同兩個影帝合作好大壓力，不過有信心。」