古天樂笑193大支嘢

·1 分鐘文章

古天樂與組合ERROR成員193(郭嘉駿)昨日在銅鑼灣出席護膚品牌活動,193的Fans逼爆商場並大嗌「老公」,場面墟冚!期間2人談及護膚品話題,193笑指自己「大把錢」,連古天樂都忍不住笑他:「唔怪得啲人話你大支嘢!」而古天樂自言注重養生,已斷食10多年:「每日只食1餐,大約黃昏6點幾食,體力都OK,亦冇試過胃痛。」

另外,193早前捲入波鞋是非,問買到心水波鞋未?他說:「買到喇!點買唔方便講,但絕對唔係Fans送,亦有畀錢,畀咗成本價。(喺電台節目話賺咗好多,夠錢買樓未?)夠喇!係畀首期,同埋我想畀心機搵錢,呢行好特別,可能聽日我會變咗吳亦凡。」此話一出全場嘩然,他即解釋是「大起大跌」的意思。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能