古巨基《亂世情侶》靈感來源 網路作家莎比亞新婚妻被揭偷食

古巨基《亂世情侶》靈感來源 網路作家莎比亞新婚妻被揭偷食

尋日連登討論區有個熱門帖文,係有網友聲稱好朋友同任職教師嘅太太拍拖至今9年,點知結婚半年就發現另一半出軌,網友於是決定將呢段關係公諸於世,並且post出多張疑似呢對「偷食男女」嘅whatsapp對話內容同親密合照,又發現女方認識新歡2個禮拜就迅速發展,甚至租屋做愛巢幽會,仲搵朋友夾口供扮去staycation,但係偷歡先係「主菜」。

古巨基《亂世情侶》靈感來源 網路作家莎比亞新婚妻被揭偷食
古巨基《亂世情侶》靈感來源 網路作家莎比亞新婚妻被揭偷食

有眼利網友就揭發事件女主角,原來係網絡作家莎比亞嘅太太Karena,而莎比亞亦喺自己facebook專頁出post寫道「我真的承受不了這種傷害/九年的幸福原來都是她的謊話/我很捨不得妳/但再見了老婆」,又將頭像轉為黑色,似乎暗示網路傳聞屬實。事有湊巧,莎比亞上個月推出嘅新書,正正描述婚前揭發另一半出軌嘅故事。

2012年起喺討論區發表文章而成名嘅莎比亞,同Karena交往9年,今年3月莎比亞趁生日公布婚訊。據知莎比亞早前置業,唔止俾晒首期,層樓仲只係寫Karena個名。

古巨基《亂世情侶》靈感來源 網路作家莎比亞新婚妻被揭偷食
古巨基《亂世情侶》靈感來源 網路作家莎比亞新婚妻被揭偷食

莎比亞曾經寫過嘅一句「在這個時代做情侶談戀愛,像在亂世裡面這麼艱難」,觸發古巨基靈感,喺2019年製作成《亂世情侶》一曲,基仔仲因此訪問莎比亞同Karena。佢地分享咗唔少拍拖經歷,包括喺外地做交換生而開始,一度基於前途問題而分手﹐後來就因為飼養嘅貓貓復合。當時未婚嘅莎比亞講到會同Karena結婚,亦唔會拖太耐,想等經濟有能力先作出承諾。

古巨基《亂世情侶》靈感來源 網路作家莎比亞新婚妻被揭偷食
古巨基《亂世情侶》靈感來源 網路作家莎比亞新婚妻被揭偷食
古巨基《亂世情侶》靈感來源 網路作家莎比亞新婚妻被揭偷食
古巨基《亂世情侶》靈感來源 網路作家莎比亞新婚妻被揭偷食

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!