古巨基晒全家福 Lorraine抱囝現身

天王古巨基在今年三月被本報獨家踢爆去年年底榮升父親,喜得麟兒,隨後他承認喜訊,並陸續發布和兒子Kuson的短片,惟太太Lorraine一直神隱。昨日母親節,古巨基「加碼」送上驚喜,激罕網晒一家三口全家福,終於現身的Lorraine抱着兒子時,笑得非常甜蜜,更和丈夫齊齊向熟睡中的Kuson獻吻。

古巨基留言自爆愛「搣」兒子的習慣:「成為了父親,更知道母親的偉大。今年是太太初為人母的第一個母親節,感謝太太的一切,願天下的兒女們都孝順父母。我個仔心諗爸爸你下次錫我,可唔可以睇鬚先呀?有冇人同我一樣,見到Kuson塊肥臉就忍唔住想輕輕搣吓佢呢?真係每日都要搣吓(口架)!」眾星包括方力申、周勵淇及蔡卓妍等均留言,大讚Kuson可愛及終於可見到全家福!