可宜公告佳期 解瞞婚之謎

東方日報
·2 分鐘文章
去唔到英國,在酒店房拍婚紗照都一樣咁靚啫!
去唔到英國,在酒店房拍婚紗照都一樣咁靚啫!

混血主持可宜(Natalie)原定去年底結婚,因疫情打亂計劃惟有押後,近日她終於再度落實婚期,並與男友在酒店拍了一輯很滿意的婚照,她形容與其他新人一樣,心情由興奮變得忐忑。

可宜與拍拖8年的「甲一籃神」鄭錦興原打算在去年平安夜舉行婚禮,怎料第4波疫情殺到,就算限制聚會人數,起初她也想如期舉行,最後幾經考慮還是改期。她說:「因為唔想得20人咁少,加上我喺英國嘅家姐又返唔到嚟,真係好希望佢睇到我出嫁,所以情願另擇日子。」剛巧今年8月8日教堂和酒店都有空檔,故決定另擇佳期。

Natalie本來想遲些才公告大家,然而太多朋友追問,有些人還以為她靜雞雞成為人妻,故覺得有需要交代一次。她笑說:「好似有啲朋友會話點解唔請佢,又或者問我結咗未,為咗唔好搞到混亂,我真係要講清楚。我明白想結婚又因為受疫情影響嘅新人感受,依家最希望到時可以順順利利。」由於不能飛往外地,婚紗相亦選擇在港拍攝,幸好照片效果十分理想。

男友擺甫硬晒軚

她透露當日換了多套晚裝,用盡酒店房內每一個空間。其實她最初的構思是到英格蘭和蘇格蘭取景,她說:「可能冇特別預期,個人反而放開咗,成輯相我好自然,反而男朋友係運動員出身,一擺甫士就硬晒軚。不過,我同佢好少特登去影呢類型嘅相,過程都好開心同驚喜嘅。」

「甲一籃神」要擺Chok甫,少不免有點怕醜吧!
「甲一籃神」要擺Chok甫,少不免有點怕醜吧!
可宜換了多套晚裝,當中不乏性感設計。
可宜換了多套晚裝,當中不乏性感設計。