可愛水豚大舉入侵阿根廷住宅區 秒變景點
水豚肥胖嘅身形令唔少大人同小朋友都非常喜歡,好多時大家仲專誠入動物園睇水豚,可以話非常可愛嘅一種動物。不過近日於南美阿根廷就出現有大量水豚入侵市區情況,令住客非常頭痛!
位於布宜諾斯艾利斯一個名為Nordelta嘅高尚住宅區,有4萬人口居住,但近日有 400多隻水豚不斷出現並於社區中搵食。Nordelta為濕地區域,正正係水豚最愛嘅環境,水豚周圍於住宅後花園食草及半棲動物例如青蛙等。同時甚至有水豚跳入花園噴水池之中游水,更令住宅嘅貓狗受驚。
雖然水豚並無攻擊性,亦唔會主動接近人類,不過佢哋留低大量排泄物、擾亂交通,同當地居民都造成唔少煩惱。不過新聞出街後,反而吸引市內唔少人特登前來睇水豚,忽然間成為景點呢!
(圖:Gamerskyer@Twitter)
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: