台中新景點驚現麥田圓圈 外星人到訪?

Yahoo 旅遊

台灣目前仍受疫情威脅,旅遊業飽受壓力,唔少地方都出盡方法吸引旅客前往刺激經濟。近日位於台中外埔區,每年一度嘅大雅小麥田文化節,就因為疫情令參觀人數大跌。主辦單位就諗咗方法,效法世界各地都有嘅麥田圓圈,由工作人員合力炮製出多款麥田圓圈圖案。相信好多人都只係於電視或網上見過呢啲麥田圓圈,仲要非常神秘,好多人覺得係外星人留下嘅語言,跟人類溝通,唔少至今係邊個做點樣做,仍然係一個謎。台中今次整咗5個超大麥田圓圈,而且圖案各異,唔少麥田圓圈迷都聞風而至,雖然明知係大會當局人為所製成,都係難得可以親眼見到呢種特殊景觀,而且遊客可以親自踩入麥田圈之中,近距離接觸,不過主辦單位就提醒遊人唔好損毀麥田呢。今屆文化節麥田佔咗成3個標準足球場,而且允許遊客用航拍機拍攝,當中景觀真係難得一見呢!

台中大雅小麥田文化節,出現麥田圓圈!
台中大雅小麥田文化節,出現麥田圓圈!
可以自備航拍機,從空中欣賞景觀!
可以自備航拍機,從空中欣賞景觀!
大家可以直接走入麥田圓圈之中!
大家可以直接走入麥田圓圈之中!

相關文章:

宜蘭新酒吧-大玩露營主題-充滿鄉村風情

海外行山尼泊爾珠峰入門-初心者一樣行到

大家都想呼吸新鮮空氣-5個行山人士應有的禮儀


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看