台慶頒獎禮︱譚俊彥獲父親狄龍見證 砌低張振朗成雙料視帝

台慶頒獎禮︱譚俊彥獲父親狄龍見證 砌低張振朗成雙料視帝

千呼萬喚,視帝終於出爐,賽前兩位呼聲最高的張振朗和譚俊彥作困獸鬥,最終譚俊彥在今晚(2日)舉行的《萬千星輝頒獎典禮2021》中,憑《換命真相》首奪最佳男主角,加上之前奪「馬來西亞最喜愛TVB男主角」,成為雙料視帝,令他正式登頂。譚俊彥於台上爆喊,他謂:「多謝換命真相每一位演員及導演,多謝曾畀過機會我的監製,我想同媽咪講一句對唔住,呢幾年我一直好少打畀你,唔係我唔愛你,只係姓譚的男人乜嘢都擺喺個心入面,包括我對你的愛,爸爸,上個禮拜我個仔比賽攞獎,我開心過自己攞獎,我今日好榮幸可以將呢份喜悅帶畀你,仲有我想多謝我太太,老婆,你係我全部,冇咗你我唔會攞到呢個奬獎,我愛你。」

相關文章:台慶頒獎禮︱林夏薇「裸」到盡首奪視后 揮低逆襲鍾嘉欣

眾所周知,譚俊彥是著名演員狄龍之子,今次在父親見證下得獎,別具意義。譚俊彥2016年正式簽約成為無綫旗下藝人。接演的劇集包括《天命》、《特技人》、《法證先鋒IV》均為主角。今次他在《換命真相》演技備受讚賞,兼且因跟韓劇《魷魚遊戲》的李政宰撞樣,令他人氣更盛,為今次登頂加分。

至於「最受歡迎電視男角色」,頒獎嘉賓歐陽震華(Bobby)提起當年拍攝《壹號皇庭》時,Bobby指回憶甚多,更搞笑扮拍檔陶大宇唱歌時的招牌撥水撥手勢,指大宇哥是「死氣喉」,現時忙到想約他食飯都約不到。相當抵死。最終由《星空下的仁醫》的馬國明奪得,宣布一刻時,他又擺出天然呆樣。

父親狄龍一定好安慰!
父親狄龍一定好安慰!