台灣人氣咖啡店最新旗艦店開幕 仲有圖書館?
作為文青集中地嘅台北,已經數唔清有幾多人氣咖啡店,不過要數到近年大熱就係成功由街邊檔變身成文青咖啡店嘅「路易莎」(Louisa Coffee),不停於台北開分店,最新旗艦店更於萬華區東園街開業。
原本店舖為開業已經60年嘅「英吉利鐘錶眼睛」,奈何於去年結業,當時有唔少老街坊都表示不捨,最後由路易莎接手,而且更成為一間咖啡店兼生活百貨。佔地三層,以現代輕歐洲風設計,除咗用餐區之外,亦設有圖書館及親子區,更有一所「全方位生活門市」,提供各種精品,難怪一開業已經成為人氣打咭地點。萬華街原本都係老店及傳統老街,今次明顯係活化社區嘅一大步,到晚上咖啡店上嘅標誌「路易莎」女神招牌更會照亮整條街呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: