台灣夜市叫苦連天 饒河街夜市慘變夾公仔街

·1 分鐘文章

一場疫症,全球旅遊業相關行業都遭受史無前例嘅災劫。於台灣平日幾乎8成係旅客嘅夜市近乎全軍覆沒,唔少大型夜市例如台北士林、台南六合夜市近百家攤檔已結業,被形容為60年來最慘情況;近日有台灣媒體就走到台北另一大人氣夜市饒河街夜市觀察,發現生意跌5成多,而大多數位於兩旁嘅室內店舖,原本售賣紀念品及精品都幾乎清一色變成短租形式嘅夾公仔機,由夜市變成「夾公仔街」。

其實未有疫症之前,各大觀光夜市租金一直上升,業主貪得無厭不停加租,早已被台灣人所不恥,認為係吸血鬼所為。今次一場疫症,各大大小小攤檔商店都紛紛結業,一時之間夜市中全部係吉舖招租,雖然對攤檔經營人士係一個寒冬,不過同時令業主反思究竟不斷加租是否合適呢?希望當係一個重啟,令租金回復正常,日後疫症過後會有其他新攤檔出現吧!

饒河街夜市多間室內商店已經結業,成為夾公仔機店。 (圖:饒河街觀光夜市@Facebook)
饒河街夜市多間室內商店已經結業,成為夾公仔機店。 (圖:饒河街觀光夜市@Facebook)
饒河街夜市曾經係從前台北最具人氣夜市之一 。 (圖:饒河街觀光夜市@Facebook)
饒河街夜市曾經係從前台北最具人氣夜市之一 。 (圖:饒河街觀光夜市@Facebook)
台灣夜市主要依靠外地遊客,今次疫情大量攤檔結業。 (圖:饒河街觀光夜市@Facebook)
台灣夜市主要依靠外地遊客,今次疫情大量攤檔結業。 (圖:饒河街觀光夜市@Facebook)

相關文章:

市區行山南山到斧山路線推介-欣賞鯊魚石空心樹九龍景色

全球首個-baby-shark音樂劇-12-月登陸九龍灣-早鳥優惠享-85-折

印尼興建侏羅紀公園-科莫多龍阻擋工程車遭瘋傳