台灣摩斯漢堡推新口味 被嘲笑似阿婆假牙?

·1 分鐘文章

來自日本嘅摩斯漢堡於香港及台灣都有唔少分店,都係好多人心水餐廳之一,之前就算去到台灣旅行有時為咗求快都會照食,畢竟唔同地區都有自己嘅獨特口味,有時試下都好。不過近日台灣店推出嘅限定漢堡就引起網上一陣討論,就係因為外形極似假牙!

呢個名為「蜜芋紅豆珍珠堡」,以櫻花糯米飯作為外層,餡料包括紅豆泥、蜜芋丁及奶酒醬,其實每種餡料都十分美味,但一旦結合一齊,就極度似一棚牙!有網民將漢堡實物影低放上討論區,引起大家熱烈討論,唔少人都表示讚同,更多人話睇見已經胃口全失,甚至有人話係得到牙周病嘅阿婆(因為下排嘅紅豆泥好似深血紅色嘅牙肉),總之就係一片負評。目前摩斯漢堡未有任何回應,不過唔少網民反而特登去食及影相打咭,唔知算唔算負面宣傳呢?

台灣摩斯漢堡推出期間限定漢堡,外形極似假牙。(圖:台灣摩斯漢堡網站)
台灣摩斯漢堡推出期間限定漢堡,外形極似假牙。(圖:台灣摩斯漢堡網站)
引起大批網民討論,的確非常相似。(圖:Discord@Forum)
引起大批網民討論,的確非常相似。(圖:Discord@Forum)
有人拍得漢堡實物,被形容為「有痰的阿婆假牙」。(圖:Discord@Forum)
有人拍得漢堡實物,被形容為「有痰的阿婆假牙」。(圖:Discord@Forum)

 

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

迪士尼展覽登陸將軍澳+上水-巨型故事書打卡位-164-微縮模型

大阪彈珠店變大型疫苗接種中心-4-日賺少港幣-700-萬

狗狗辨別病毒速度比機器快-邁阿密機場用嗅探狗為員工檢測

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能