台灣新護照封面出爐 無採用網民設計惹爭議
早前報道過台灣正計劃推出全新護照封面,目的係突顯「台灣」地位,日前終於正式有結果。
最新設計同樣都係用綠色做封面,最上面仍然係採用「中華民國」幾個大字,不過中間原本「Republic Of China」就拎走放入台灣國徽外面嘅環形之中,幾乎唔會睇到咁濟。下面就照用上「Taiwan Passport」,不過就有唔少網民質疑設計同原本未有太大分別,無論顏色及字樣都差唔多,最大分別只係拎走「Republic Of China」。
其實早前有政黨公開邀請網民提供設計,並公開投票再送上國務院參考,其中有好多都十分有台灣特色,例如用上台灣地圖、台灣黑熊等獨有動物等,不過可惜係最終都無任何設計獲得採用。有人亦讚賞今次改版為「務實」嘅設計,大家又點睇?
相關文章: