台灣新護照封面設計大賽 網民創意力十足
護照係大家旅遊必備身分證明,如果你拎住本護照會感到自豪,就代表呢本護照十分成功,而有咩可以令你增加對護照嘅歸屬感呢?好肯定由自己設計、代表一個地方特色嘅封面絕對有莫大幫助。
台灣立法院早前就話現今使用綠色版本台灣護照封面太過普通而且「辨識度低」,有政黨就辦咗一個比賽,希望由網民提供自己設計嘅封面,經全民投票後再轉交立法院考慮採用,引來大量極具創意嘅設計。其中有唔少融入台灣特產動植物,例如黑熊、蝴蝶、貓等,有部分就用上唔同元素去組成台灣地圖,例如山、海。
除咗全民投票之外,另有專業評審以「設計元素、美學、創新、反映台灣社會樣貌、對護照未來想像」五大元素作為評分。目前第一輪經評選而脫穎而出嘅作品已於網上公佈並進行第二輪投票,最後結果會於9月頭公佈,大家有興趣不妨上去睇下:按這裡。
以下為數個大熱封面,大家又覺得點?
相關文章: