台灣10大旅遊勝地你去過未?澎湖浮潛+花蓮太魯閣大峽谷


台灣係香港人最愛旅點之一,當地嘅風土人情,深得港人喜愛。雖然台灣唔算大,但好玩好食嘅野多不勝數。由台北去到台南,每個地方都各有特色。有啲為睇自然風景聖地,有啲就係購物天堂。以下嘅10個台灣人最愛的台灣國內旅遊勝地,跟住本地人玩,實會精彩。

1.澎湖

鍾意水上活動同自然生態嘅朋友,澎湖絕對令你樂而忘返!澎湖由90座地質特殊嘅島嶼組成,四面環海,依個地理位置令到佢成為一個自然生態區,遊客可以觀賞「風櫃聽濤」、「小門鯨魚洞」多個地質景點,亦可探視一眾動物,例如綠蠵龜、燕鷗類鳥類等。遊客仲可以試試島上嘅水上電單車、浮潛、SUP立式單槳衝浪等多個水上活動。

2.台北

台北購物美食應有盡有,結合傳統文化與現代生活,最啱快閃團,比起其他地方台灣一大好處就係捷運便利,一張悠游卡,已經玩盡松山、淡水、象山等地。國立故宮博物院、中正紀念堂等多個展覽廳,絕對係認識當地文化嘅機會,而區內嘅夜市,如士林夜市都非常就腳同熱鬧,大家可以瘋狂掃街吃到飽!登上台北101,仲可以遠眺整個城市夜景。平日生活忙碌嘅朋友,仲可以去北投浸個溫泉,一解疲累!

3.花蓮

花蓮是國內數一數二的熱門旅遊勝地,其中必定太魯閣國家公園!雖然交通唔太方便,但沿途經過唐式建築「長春祠」、隱世「白楊瀑布」以及大理石峽谷,各種壯麗景觀,實令你讚嘆萬分。除咗要到訪花東縱谷及東海岸哩啲旅遊景點外,花蓮嘅美食都要一試,古早味廟口紅茶、道地早餐山東豆漿大王都可食出花蓮傳統風味。

4.高雄

高雄結合了城市發展及民族文化,也是全台灣第一個有輕軌的地方。遊客除了可以沿着捷運及輕軌遊覽知名景點,如愛河、西子灣等,還可以乘坐公車到美濃感受客家文化,創作屬於自己的油紙傘。

5.台中

台中處處充滿藝術氣息,被選為英國旅遊網站全台十大IG打卡位嘅彩虹眷村外牆色彩繽紛,帶比人一種活力。其景點仲愈嚟愈有創意,一座座文化創區同街道加入特色元素,成為有趣旅遊點,包括台中洲棒球場文創園區及動漫巷。一生人必遊一次嘅高美濕地都係台中,黃昏時更會出現海天一色景象。11月嚟到仲可以去到福壽山農場欣賞最美楓葉,簡直一大享受。

6.台東

台東靠山面海,空氣清新,適合慢活。 遊客去到台東加路蘭遊憩區、小野柳風景區,沿着東海岸線,可以看到一望無際的太平洋,那清澈的、藍藍的海水,令人忘了所有煩惱。到了7月、8月在鹿野高台舉辦一年一度台灣國際熱氣球嘉年華,滿山滿谷的熱氣球加上精彩絕倫的光雕秀,每一年都吸引了大批遊客前往同歡。

7.台南

成日聽人講台南比較落後,不過近年好玩景點愈開愈多。除咗赤崁樓及祀典武廟等原有古蹟外,亦開創了唔少創意市集、奇美博物館。例如,遊客可到台南貨櫃公園,於貨櫃迷宮中穿梭,打卡拍照 。亦可以到訪台南美術館,參觀裹面有關自然萬物及書法筆墨嘅展廳,了解當地歷史文化,做個真正嘅文青 !情侶們仲可以去到北門水晶教堂,與另一半嚟個浪漫之約。

8.新北

新北環繞整個台北市,由於新北市的東北、北部、西北部均臨海,當地的海景奇觀深受歡迎!全台最大濂幕式瀑布十分瀑布、收納奇珍異石嘅野柳風景區及北部早期嘅漁業港口,都位於市內。雖然未到二月,未能參與「平溪天燈節」,感受節慶樂趣,但到訪九份老街及陰陽海等多個與採礦業相關嘅名勝,已讓你有個難忘體驗!

9.桃園

桃園是台灣嘅國際樞紐,亦特別適合親子同遊!今年四月開幕嘅壢小故事森林,修復前為歷史古蹟,當中設有故事館,讓小朋友透過故事中學習。仲可以走訪花開了休閒農場,帶小朋友玩下沙坑及小火車。大人都絕對唔驚悶親,事關桃園購物點都好多,全台首座美式露天OUTLET—華泰名品城極力推介!

10.嘉義

嘉義係較少港人會到訪,但其實佢都唔輸比其他地方!哩到你可以感受慢活文化,欣賞嘉義在地的傳統工藝,到蘭潭水庫踏單車交遊,上阿里山看日出或看雲海或是去剛開新地標「森林之歌」或「檜意森活村」打卡留念。唔鍾意Chur行程嘅朋友,嘉義絕對係一個好好嘅簡單放鬆之地。


( 圖片來源 : rie-k-photo@Tumblr)

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能