台灣KOL 拍片承認落藥性侵Model

19+

台灣youtuber市場大,有一批被稱為「知識型網紅」,

憑住本身嘅學問,令觀眾有片睇又有嘢學,

加上專業形象吸引到廣告客戶,唔少都快速竄紅。

「理科太太」就係好例子。

 

另一位以揭示社會另一面嘅「知識型網紅」「教授鼠鼠」,

曾經拍片講及虛擬幣、夾公仔機騙局、大麻等邊緣話題,提醒年青人要小心,

佢嘅Youtube channel有成10萬人訂閱。

不過,「教授鼠鼠」早幾日就上載咗條片,

以「一個真摯誠懇的懺悔,我做了錯誤的事情,希望大家引以為戒」為題,

承認自己落藥迷暈女模特兒後,再乘機性侵。

片段入面,「教授鼠鼠」指自己欺騙姓王女模特兒服用「放鬆藥物」,

令對方昏迷,並趁機發生性行為。

事後王因為「逃避羞憤感覺」,嘗試與「教授鼠鼠」交往。

唔止咁,「教授鼠鼠」借用王女嘅車約其他女子幽會,

又住喺王女嘅地方,但就出po同人講對方係自己包養。

最後「教授鼠鼠」發誓唔會再使用毒品對女生落藥,強調呢條片內容唔係有人迫佢先講。

佢亦願意接受同負起法律責任,並向王女道歉。

但係條片上載冇耐,「教授鼠鼠」就刪片,

並私訊王女因為阿媽睇到而將片段下架。

而王女亦有出po將二人對話內容公開,

又指至少有5位情況類似嘅受害人聯絡過佢,仲估計受害人可能過百!

睇嚟有關方面會介入呢單案,後續新聞應該唔少。

去台灣會落夜店嘅朋友,自己睇路啦。

原文傳送門

你可能還想看