叱咤又投票 直選「我最喜愛的歌曲」十強 附投票方法教學

·2 分鐘文章
叱咤又投票 直選「我最喜愛的歌曲」十強 附投票方法教學
叱咤又投票 直選「我最喜愛的歌曲」十強 附投票方法教學

1月1日舉行嘅商台「叱咤樂壇流行榜頒獎典禮」,除咗有計歌曲播放率嘅獎項之外,仲有由樂迷投選嘅我最喜愛的歌曲/男、女歌手/組合大獎。因為MIRROR大熱,之前投歌手組合嘅熱烈程度前所未見,到今個禮拜又有另一場叱咤選戰!

今日開始就係「我最喜愛的歌曲」嘅第一輪投票,樂迷可以從全年上榜歌之中揀出心水,呢一round最高票選嘅十強可以進入下一輪,十首歌之中最高票5首會喺頒獎禮當晚,由現場觀眾即場投票選出「我最喜愛的歌曲」。

由於男歌手五強有4位都係MIRROR成員(姜濤/盧瀚霆/陳卓賢/呂爵安),估計十強當中,「鏡仔」以及MIRROR團歌入圍成數十分高。而唱到人人識rap嘅《係咁先啦》(MC $oho & KidNey)、戳中移民潮嘅Ciao(RubberBand)都好大機會爭一席位。

至於點樣投票?可以睇以下教學︰

先要登記做881903會員並成功驗證香港流動電話號碼,就可以成為 「881903認證會員」

如果你從未參與過以往嘅叱咤投票,未係會員:

第一步:去叱咤投票網站,撳「立即登記」,按指示輸入所需資料

第二步:✔埋驗證電話號碼,點擊「完成」

第三步:手機會收到四位數字驗證碼短訊(SMS),輸入驗證碼

第四步:登記電郵會收到一封確認郵件,點擊電郵上嘅連結,設置個人密碼

第五步:完成整個登記認證程序,成為881903認證會員,你就有投票資格

如果你係現有會員:

你可以登入881903.com 後,到 「我的戶口」頁面內嘅「個人資料」部份檢查。如「流動電話號碼」 一欄顯示 「已驗證」,表示你已經合資格投票。只有香港流動電話號碼先可以通過驗證及參與投票。其他地方嘅電話號碼唔接受驗證。

更多叱咤投票詳情可以睇呢度

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能