叱咤我最喜愛5強公布 男歌手張敬軒力敵MIRROR 4子 炎明熹女歌手出局

商台嘅《叱咤樂壇流行榜頒獎典禮》今個星期展開第一階段投票，先由全港樂迷一人一票投選「我最喜愛的男歌手／女歌手／組合」，最後5強將會進入下一輪投票，今日中午截止。剛才商台節目《叱咤樂壇》公布最後5強名單，都幾出人意表！

男歌手︰姜濤／盧瀚霆／陳卓賢／呂爵安／張敬軒

5強入面有4個名額都係「鏡仔」，包括首度入圍嘅Anson Lo，同埋以新人姿態角逐嘅Edan，但係呼聲甚高嘅阿Jer同另一單飛成員Anson Kong就五強止步。2014年拎過「我最喜愛的男歌手」嘅張敬軒將要以一敵四！而人氣唔錯嘅林家謙就意外落馬。

女歌手︰Serrini ／ 方皓玟 ／ 陳凱詠 ／ 陳蕾 ／ 鄭欣宜

去年嘅我最喜愛的女歌手得主林二汶無緣冧莊，一度打入十強嘅炎明熹最終無份，而陳凱詠同陳蕾首度打入5強。拎過呢個獎嘅鄭欣宜同方皓玟再度入圍，連同Serrini一齊競逐，各人受歡迎程度不相伯仲兼各有捧場客，好難估。

組合︰ MIRROR / ERROR / Dear Jane / C AllStar / MC $oho & KidNey

MIRROR 同ERROR順利入圍，上兩年嘅得主RubberBand未能殺入5強，相信令MIRROR首度奪得「我最喜愛的組合」呼聲更高。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！