【叱咤2019】Rubberband奪我最喜愛組合:香港呢個地方畀力量我哋

【叱咤2019】Rubberband奪我最喜愛組合:香港呢個地方畀力量我哋
【叱咤2019】Rubberband奪我最喜愛組合:香港呢個地方畀力量我哋

《2019年度叱咤樂壇流行榜頒獎典禮》雖然取消實體形式,但仍然如期舉行改為在不同網上平台及ViuTV直播。由一直被封為「香港人的樂隊」RubberBand奪得「叱咤樂壇我最喜愛的組合」。

RubberBand與方皓玟在Band房一起食飯,然後謝茜嘉突襲他們頒發「叱咤樂壇我最喜愛的組合」及「叱咤樂壇我最喜愛的女歌手」。RubberBand成員不約而同說了一句:「多謝香港人!多謝投票畀我哋嘅香港人!」

鼓手泥鯭表示:「多謝香港人,多謝所有投票嘅香港人!生長喺香港呢個地方,呢個地方俾力量我哋,我哋希望透過歌曲將力量俾返大家。」他又笑言:「今日喺銅鑼灣聽到自己嘅歌好尷尬,同埋大家下次喺銅鑼灣見到我唔好0嗌我個名,因為我同大家都係行街㗎咋!」

Bass手阿偉表示:「多謝香港、香港人!無論香港變成點,都會記住我哋係嚟自香港嘅樂隊RubberBand!」

主音6號說:「多謝香港人!今年6月之後好多人都唔開心,百感交雜。今年對我哋呢班中坑嚟講,我哋去咗好多地方,台灣、德國咁。香港8月開始已經狀況令人越嚟越嚟唔舒服,當時喺外國演出嗰片天空好靚,諗咗好多嘢,諗幾時先可以變返好。」他續說:「要有個信念,好似喺隧道行,唔知行到幾時但要有信念!香港同所有朋友加油!」他又提到母親正與癌博鬥,希望將這獎項送給她,說到此刻6號也不禁流下男兒淚。

點擊瀏覽《香港01》更多內容和圖集

你可能感興趣:
【叱咤2019】姜濤踢走鄭秀文企穩歌曲五強 花姐抵死反擊種票疑雲
張敬軒、Rubberband、頒獎禮相繼取消演出 點解賣得晒飛都唔做?

你可能還想看