同劇蔣祖曼確診 朱晨麗如臨大敵 護貓要緊

黎耀祥、朱晨麗主演的無綫劇《輕‧功》近日剛復工，怎料前日因演員蔣祖曼「中招」而需再度停工，前一日曾跟她一起開工的黎耀祥、朱晨麗及朱敏瀚經檢測均無恙，不過，朱晨麗因家中有愛貓，直言有所擔心，回家也不敢除口罩，安全至上。

早前因第5波疫情非常嚴峻，TVB決定停廠，最近才陸續開工，當中包括由黎耀祥、朱晨麗主演的劇集《輕‧功》，豈料開工才不過幾天，前日蔣祖曼於開工前接受快速測試時初步確診，劇組即停工一日，不過昨天其他演員經已復工！記者就此事致電《輕》劇監製黃偉聲，他說：「每一日開工都會做一個快速測試，要確定未有確診先可以開工，4月1號嗰日，蔣祖曼開工前做快測，出現第二條好矇嘅線。為安全起見，劇組就停咗一日，而31號同過蔣祖曼拍嘢嘅演員私下再做快測、核酸測試等，包括黎耀祥、朱敏瀚同朱晨麗，佢哋都冇事，（除蔣祖曼外）已經復工。」

黎耀祥檢測無恙

對於同劇演員中招，前一日剛跟對方一起開工的朱晨麗直言感到擔心：「我返到屋企都唔敢除口罩，因為屋企都有貓貓，喺間屋度噴消毒，今日都已經開番工，會再加強保護，做足安全措施。」

至於黎耀祥則說：「係收到消息佢（蔣祖曼）可能確診，公司都有停廠消毒。」對於大前日曾跟蔣祖曼拍戲，他說：「冇乜話擔唔擔心，因為同場都會有啲距離，希望蔣祖曼冇事，多謝關心。」至於朱敏瀚則表示：「我去咗檢測，冇事呀！有心有心！」