同吳亦凡有性關係後 都美竹一反常態舉V晒自拍
內地男星吳亦凡近日捲入桃色風波,被網紅都美竹爆出「選妃潛規則」,形象盡毀,被引來北京警方介入調查,並揭出吳亦凡同都美竹曾發生性關係,消息震驚網友!而都美竹同吳亦凡事件引發熱議後,一直未有「現身」,更有網友擔心佢人身安全。不過一直去到尋晚(29日),都美竹首次晒出自拍靚相照,見佢着上白色Low cut裝,望實鏡頭舉V露出淡淡微笑,仲一反常態寫心靈雞湯:「心若向陽,無謂悲傷。微笑向暖,年華未央。」有網友就有「陰謀論」指,都美竹喺18日失蹤超過24小時後,佢上傳發文嘅客戶端手機型號同過往有所不同,仍然懷疑發文嘅並非都美竹本人。