同老公鍊過！ 謝安琪收綿羊仔 MIRROR撩組隊

歌手謝安琪獲汽車品牌贈送電單車，並「收兵」成功，引起人氣男團MIRROR成員Tiger及Anson Kong注意，要求「入伍」齊齊組車隊，隨時可和張繼聰的「中佬電單車團」對撼。

近年張繼聰迷上電單車並成為夫妻間的「小三」，被冷落的正印謝安琪曾發文詐型：「你和一班電單車友在那邊生活好嗎？我們在這邊很好，勿念！」被網友笑指她怨氣大及有醋意。去年情人節張繼聰更向冇電單車駕駛牌照的謝安琪，送上中古電單車作為禮物，其實擺明益自己。

向花姐施壓

於本月13日45歲生日的謝安琪，近日獲汽車品牌送贈電單車，她更網晒「收車」片和網民分享，她留言：「有啲人送禮物畀你，份禮物係你用唔着嘅，然後開心嗰個只係佢自己。今次我真係開心，因為送畀我呢份禮物係真係為我細心挑選嘅，令我唔會再懷疑人生，亦都對身邊嘅人多番一份信任。」明顯寸老公之前送電單車「自肥」一事！

短片一出即引起不少圈中電單車發燒友注意，同時初步組成車隊，至少有Tiger及Anson Kong坐鎮，完全可以對撼張繼聰的「中佬電單車團」。Tiger見謝安琪收車，即留下心心眼符號表示羨慕，她即反問：「你又係電單車友咩？」暫未有牌的Tiger回覆：「我就嚟係，畀啲時間我。」至於另一成員Anson Kong也說要加入「車隊」：「等我，我申請緊批文，好快。」謝安琪即「助攻」標籤對方的經理人花姐：「要幫你tag番相關部門加快批核。」