同老公齊齊被金融機構起訴 趙薇隨時北京上庭見人

同老公齊齊被金融機構起訴 趙薇隨時北京上庭見人
同老公齊齊被金融機構起訴 趙薇隨時北京上庭見人

內地影后、「小燕子」趙薇自今年8月「被消失」後,佢一直潛水,雖然中間都有傳過佢現身老家安徽,不過都未知佢到底何去何從…點知最近就有網友發現,喺10月9日新增嘅法庭開庭公告顯示中,就見到趙薇同老公黃有龍、網絡集團董事長三人被一間金融機構起訴,此案案由為「保證合同糾紛」,將於今年11月8日喺北京市第四中級人民法院開庭,隨時會成為趙薇「人間蒸發」後第一次現身!

趙薇同黃有龍齊齊被金融機構起訴。
趙薇同黃有龍齊齊被金融機構起訴。
11月就會開庭,唔知二人使唔使上庭。
11月就會開庭,唔知二人使唔使上庭。
法庭公開開庭公告。
法庭公開開庭公告。

網友同時亦發現,金融機構同趙薇曾有過訴訟恩怨,今年6月就曾上訴趙薇及一間文娛集團有限公司,案由亦為「保證合同糾紛」,當中趙薇持有文娛公司嘅4.15%股權被凍結,涉資500萬元人民幣(約602.8萬元港幣)。而目前趙薇旗下共有13家企業,其中2家被注銷,2家被吊銷及已吊銷2家,存續或者在營期間嘅共有7家,而7家企業之中,有5家嘅股權已於今年4月被凍結。