同老婆嘈交 人夫揸飛機撞自己屋企
夫妻生活點會冇「嗌烚」?
激動起嚟真係咩都做得出…… 美國猶他州一個專業飛機師,同太太嗌完交之後,居然走去揸架飛機,想撞死自己老婆! 報導話,47歲男子Duane係緊急醫療飛行員,同太太最近要接受婚姻輔導。事件發生前,呢對夫婦因爭執而鬧上差館,Duane因家暴罪被扣留,但獲保釋外出。
當晚,Duane去到機場,偷咗公司部飛機,然後揸住架飛機,撞去自己屋企。太太同17歲嘅仔,都喺屋入面。 結果,Duane當場證實死亡,而佢太太同個仔就無事。間屋被撞後一度著火,但係結構冇大礙。 一時火遮眼,就咁無命……唉,何苦呢?原文傳送門