同陳自瑤扮婚變?王浩信封口:講咗好多年

同陳自瑤扮婚變

藝人王浩信今日(7日)出席沙田馬場活動,他透露已有很長時間未踏足馬場:「上次嚟都係做活動,加上疫情好多公眾地方都唔開,所以好開心今日可以出席。(平時有冇投注?)我唔經常,有時同朋友嚟會測試吓自己運氣,運氣都算OK,因為身邊朋友識同有經驗,所以都有所斬獲。今日第7場係盃場,我又係7月7生日,所以我諗住買7號。(買幾多?)買少少,我唔多投機,都擔心運氣唔好,都係要問番有經驗嘅人嘅意見。我今日應邀嚟唱歌有酬勞,都好應該回饋一吓。(攞晒啲酬勞去投注?)咁都要留番車馬費。」

王浩信跟太太陳自瑤關係近年撲朔迷離,日前2人分別在社交網上載與女兒到主題樂園的相片,疑似一家三口去玩,提起跟女兒去玩,他即時落閘說:「屋企嘢唔講。(係咪一家三口去?)家事唔講。」但他承認近期去過主題樂園,至於有網友質疑他們扮婚變製造話題,他說:「唔回應,講咗好多年。」另外,王浩信透露難得最近不用拍劇,故會在台慶當晚有份表演:「我會唱歌,會同師弟一齊合唱。因為最近唔使開工,就可以專注綵排,希望帶到精彩表演比觀眾。」