同「行內人」搞生意出事 鍾舒漫被騙血汗錢

東方日報
·1 分鐘文章
鍾舒漫打算搞小生意拓財路,豈料未成事已「損手」,要上網求救。
鍾舒漫打算搞小生意拓財路,豈料未成事已「損手」,要上網求救。

英皇歌手鍾舒漫事業上連番遇阻滯,繼快將離開打了15年工的舊東家,計劃投資創業又遭行內人騙走5位數字,無助的她被迫在社交平台作出控訴,發文向朋友求助!

鍾舒漫(Sherman)近年運氣麻麻,去年因嗓子問題而暫停歌唱事業,今年9月底,她與英皇娛樂的合約將屆滿,已公告將離巢外闖。前晚,她突然在其社交平台發文,自爆遭無賴呃錢,她寫道:「其實……想問吓……我畀行內人呃咗錢,錢唔係問題,但我真心唔想姑息養奸,我想問可以點做。」

怕肉酸拒「開名」

Sherman並沒透露「行內人」是幕前還是幕後,雖然不少朋友認為她應「開名」,將騙徒的真面目公諸於世,藉此提醒其他人,但她覺得開名會換來罵戰,覺得無謂兼肉酸。據知,她今次是跟「行內人」合作做小生意,但過程中大家意見分歧,發生金錢糾紛,令她損失了5位數字,她有齊證據在手,已訴諸法律行動。

問及此事,Sherman昨日承認搞生意出事,但不欲詳談,只說:「係小投資,數目唔係好大,只係臨尾大家夾唔到,我已經出咗信交由律師處理,所以唔再多講,只係唔希望帶畀大家麻煩。」