同Edan鍊過!炎明熹冇諗過競逐新人獎:唔恨

·2 分鐘文章
同Edan鍊過!炎明熹冇諗過競逐新人獎:唔恨

《聲夢傳奇》人氣王炎明熹(Gigi)出席活動,獲大批粉絲到場支持,穿短裙的她首次獻唱新歌《真話的清高》。講到昨日(21日)中秋節,她透露與家人度過,一起睇電視及食月餅,亦有睇番在內地中秋晚會的表現:「同前輩合作好緊張,但係好好嘅經驗。(出道咁短時間就已經可以參加內地大型晚會好開心?)一步一步嚟,攞到經驗最緊要。(你表現好淡定?)其實我有少少緊張,但有前輩喺度個心就定啲,佢哋扶持住我,如果自己一個就會緊張。」

講到今日(22日)首次唱新歌,她坦言很緊張:「因為返學,所以少咗時間練歌,但開心可以唱畀大家聽。」講到出了新歌就可以競逐新人獎,她笑言冇諗過:「都係聽朋友講先知原來出咗歌就可以競逐新人獎,我都唔知,真係冇諗過。(有冇信心?)唔係講信心嘅。(咁講咩?)做好自己。」講到新歌推出幾日已榮登音樂串流平台首位,她笑言:「Yeah,好開心。(想攞埋其他音樂榜嘅第一位?)做好自己先。(唔恨攞獎?)唔恨,我攞經驗就得。」

提到今年新人獎競爭激烈,還有Edan@MIRROR、張天賦(MC)等人,她坦言:「冇理過呢樣嘢。」而講到她比其他學員出歌行先一步,她坦言:「每人嘅路都唔一樣,等公司安排。(覺得自己好幸運?)都係,冇諗過咁快可以有自己嘅歌,大家又鍾意。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能