同DSE考生交流 「狂野空姐」廖慧儀被寸扮有料

·1 分鐘文章
廖慧儀話自己都係純粹分享。
廖慧儀話自己都係純粹分享。

香港小姐入圍佳麗、23歲「狂野空姐」廖慧儀(Jessica)尋晚喺社交網同粉絲傾偈,以過來人身份為應屆DSE放榜生提供輔導和協助,兼分享學業心得。佢話自己先喺中大讀Tourism and Hospitality Management高級文憑課程,之後再升讀中大三年級嘅Hotel and Tourism Management課程。佢話選港姐唔一定要係大學畢業生,讀大學只係對自己一個交待。講完一輪,有網友突破盲腸話佢:「好心唔好扮有料喇,未(咪)又係讀HD出身做空姐咋,扮乜嘢專家分享呀?」EQ高嘅廖慧儀就答:「純分享姐(啫),你冷靜啲先。」成功化險為夷。跟住有網友問佢點解咁靚?佢就答話:「點解我媽生到我咁靚」,睇嚟佢好認同自己好靚咁喎。

廖慧儀同網友交流。
廖慧儀同網友交流。

另外,佳麗連佳麗喺社交網上載自彈自唱片嚟鼓勵放榜DES考生。網友讚佢有仙氣之餘,仲讚佢唱功不錯,喺娛樂發展大有可為呀!

連佳麗自彈自唱。
連佳麗自彈自唱。