【名家給力場】揀鋼鐵股「由頭排到尾」

【Now財經台】大行摩根大通上調內地鋼鐵板塊評級,原因係限產、減排會令供應減少。如果講到政策大方向,自然令人聯想到行業整合,係咪一定利好龍頭企業?

長證國際資產管理部董事總經理陳建良指,一定係,因為上到市嘅鋼廠質素一定唔會太差,而大鋼廠市佔率高、智能減排又好啲。至於點揀鋼鐵股,KL話,一定係「由頭排到尾」,鋼鐵行業好難講長線,因為有周期性,如果睇中線因素,一定係揀鞍鋼股份(00347)先,跟住就係馬鞍山鋼鐵(00323),同埋重慶鋼鐵股份(01053)。