否認撻着菊梓喬 吳卓羲:Tag完係咪要結婚?

·2 分鐘文章
否認撻着菊梓喬 吳卓羲:Tag完係咪要結婚?
否認撻着菊梓喬 吳卓羲:Tag完係咪要結婚?

藝人吳卓羲(Ron)昨日(10日)凌晨於社交網Tag了一個空白Post給歌手菊梓喬,惹來公開戀情之嫌,接着整日潛水的他,今午(11日)出席好友梁競徽鐘錶店開幕剪綵活動時,自然成為全場焦點,不過當在場傳媒問到是否要恭喜他,Ron卻反問:「點解要恭喜?」更娓娓道來事件由來,澄清只是一場誤會,並否認拍拖。

問到為何要凌晨4點出Post?他說:「因為我開緊工,未瞓覺。(點解淨係tag佢?)其實我識咗佢好耐,都唔記得咗加佢微博,以為tag咗就係add咗佢。(係咪菊梓喬攞你電話add?)都話我自己add。(網民估今次係你舊愛張馨予翻版?)諗多咗,唔知tag一tag網民咁大反應,因為識咗佢好幾年,同鄧智偉有共同朋友,咁我開開吓工睇到微博,見到佢就add佢,整完要通知佢,唔好諗太多。(引嚟好多揣測!)我都有睇,諗住今日見大家一次過澄清。」

吳卓羲蒲頭喇!
吳卓羲蒲頭喇!
吳卓羲呢一Tag惹嚟好多人揣測。
吳卓羲呢一Tag惹嚟好多人揣測。

問到對菊梓喬可有好感?Ron表示:「佢唱歌好聽,希望嚟緊可以合作。(鍾唔鍾意呢類型女仔?)唔講呢啲,仲揀緊,工作冇咩時間,冇諗過tag佢會發生咁多猜測,咩2.0我覺得好好笑。(傳你哋前後腳去大埔某百貨行街?)我自己有去,平時經常性自己去呢個超市。(有冇發展空間?)唔講呢啲,由人哋諗我控制唔到。(依家單身?)感情嘢唔講,專心工作,平時唔係好搞社交網。(學習?)我手指又大驚整錯,以為tag話佢知,唔知有咁嘅誤會。(同佢溝通呢件事?)一齊睇到成件事,有講吓,冇乜嘢。(佢好失望?)係一場誤會,冇啦,tag就係揀咗咩,咁tag完咪要結婚?」

吳卓羲唔認愛!
吳卓羲唔認愛!
唔知菊梓喬有咩回應呢?
唔知菊梓喬有咩回應呢?
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能