吳偉豪有公司撐 戀「姐姐」冇壓力

東方日報
·2 分鐘文章
吳偉豪尷尬避談女友,希望專注眼前工作。
吳偉豪尷尬避談女友,希望專注眼前工作。

「朱凌凌」吳偉豪升呢成為新一代男神,雖然與另一人氣演員羅天宇爭角色失敗,但性格樂天的他未感可惜。提到被爆戀上大10年的金毛女友,他表示公開戀情後公司未有施壓,但會貫徹低調作風。

憑無綫處境劇《愛.回家之開心速遞》彈起的吳偉豪,其靚仔形象俘虜不少觀眾,加上年僅22歲,前途無限!早前有指無綫新劇《十月初五的月光》的司徒禮信一角,是他與憑《香港愛情故事》人氣急升的羅天宇之爭,惟角色最終落在對方手上。

恨重演經典

對於爭角色一事,他表示從父親口中才得知,大感愕然!問會否覺得可惜,他說:「唔會,之前我都冇接觸過呢套劇,既然監製揀得天宇做,一定係佢最適合,唔係我嘅話就一定唔會係我。我都知個角色好經典,都想有機會參與經典劇,但專注依家工作先。」除了幕前工作外,他近日還考獲健身教練牌,希望有機會做私人教練。

談及早前被爆有圈外女友Charlotte,他表示公開戀情後沒甚壓力,有指女友對他管接管送,他尷尬說:「唔回應喇!(如果戀情冇曝光,會繼續低調?)冇考慮呢樣嘢,而且都認咗,冇關係,公司亦冇壓力,姊弟戀又唔會添壓力畀自己,但女朋友嘅嘢唔想講太多。」

此外,他自爆由今年1月1日起便工作不斷,加上經常戴口罩,搞到皮膚敏感:「成塊面好多粒粒,皮膚好乾,睇咗醫生應該會好啲,雖然暫時除咗套劇之外冇其他工作,但已經好開心。」