吳偉豪演17歲囝囝 李佳芯再做媽咪大無畏:第一次有咁大個仔!

·2 分鐘文章
李佳芯與「囝囝」吳偉豪把握機會增進「母子」情。
李佳芯與「囝囝」吳偉豪把握機會增進「母子」情。

視后李佳芯與視帝馬德鐘闊別3年再合作,前者不介意「降呢」演大媽,面對劇中有個17歲兒子,她笑言現實中絕對生得出;德鐘則演回老本行保鏢,揚言沒有人比他更適合。

馬德鐘、李佳芯(Ali)、陳自瑤、吳偉豪等昨日出席無綫劇集《有種好男人》試造型,前兩者繼《跳躍生命線》後再合作,今次同樣有感情線,但尚未知最終發展,故同聲指頗為期待。

劇中Ali有一子吳偉豪,雖然被指「降呢」啃豬頭骨,要淪落做阿媽,但她似乎未被影響心情,還大無畏精神笑說:「我都唔係第一次做媽咪啦,只係第一次有咁大個仔,成17歲啫!現實中我都生得出,係合理同合法嘅,所以只需喺演技上重新調節吓,希望演得有說服力。反而同吳偉豪第一次合作,所以下月開工前都要互相了解吓先。」她更指今次終於如願與演技派陳自瑤結劇緣。

馬德鐘做番老本行

而曾當過G4保鏢的馬德鐘,今次演回老本行,他興奮表示:「應該都會有說服力,我諗冇人會話我唔似,自己會喺姿勢、眼神同隊形上做多啲功課,增加真實性。(會唔會騷肌?)入面大把人騷肌啦!」

至於陳自瑤飾演馬德鐘姑姐,笑言輩份又升呢:「好在只係輩份高,我嘅年紀都係細過佢嘅。」以往多演女強人角色,今次搖身一變演經常被男仔圍的美女,她笑說:「有幾多個男朋友都未知,不過今次造型比之前好玩,充滿韓風味道,我仲整曲頭髮,非常滿意!(使唔使性感?)做到嘅我都盡量做,總之露胸、露腿、露腰冇問題。」

馬德鐘與李佳芯在劇中有感情線。
馬德鐘與李佳芯在劇中有感情線。
陳自瑤飾演經常被仔圍的美女。
陳自瑤飾演經常被仔圍的美女。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能