吳偉豪開房蜜會Honey

東方日報
·2 分鐘文章
吳偉豪
吳偉豪

憑《愛.回家之開心速遞》「朱凌凌」一角為人認識的吳偉豪,與金髮女友的戀情見光死,更被爆為人花心,愛約女星去酒店Staycation(宅度假),當中就約過身材Hot爆的落選港姐何泳芍(Honey)!

現年22歲、新一代男神吳偉豪,月前被爆有個年長10歲的圈外女友Charlotte,但據知最近已分手,2人在報道出街後感情轉差,之後索性不見面,姊弟戀極速玩完!其實他本身無意承認戀情,因為被踢爆去Staycation才焗認拍拖。

愛犬「出賣」關係

男方的圈中朋友看不過眼玩踢爆,指靚仔兼形象健康的吳偉豪其實溝女無數,為人花弗,愛同時與不同女生搞曖昧,更專用Staycation一招約去酒店過2人世界,受邀對象包括不少上位女星,據知現年26歲、憑《學是學非》彈起的「美人魚港姐」何泳芍就曾應約!

2人曾合作《愛》劇,雖然Honey只客串過幾集,但已成為男方目標,加上2人同樣愛行山及玩水上活動,零舍啱Key。據知他們曾結伴行山,雖然刻意不分享合照,但就被愛犬「出賣」!以戰鬥格行山的Honey曾分享摸狗照,狗狗正是吳偉豪的愛犬,而男方亦曾在社交平台分享人狗合照,2人的親密關係因而外洩!

吳偉豪似乎對身材出眾的女生情有獨鍾,舊愛Charlotte身材火辣,而Honey亦擁有34D心形胸,平日愛大方騷身材,更曾在《3日2夜》半裸上陣,難怪會吸引到男方「點燈」!記者就此事致電吳偉豪,他表示:「絕對冇咁嘅事,冇嘢回應。」另一當事人Honey則未有接聽電話,短訊亦已讀不回。

「舊愛」林凱恩力撐

在《愛》劇飾演「朱凌凌」舊愛的「Bonnie」林凱恩,表示對傳聞毫不知情,並力撐拍檔:「佢冇約過我,但以我認識佢嘅為人,佢係一個工作認真、充滿陽光同正能量嘅男仔,可能佢太靚仔,大家對佢太多幻想!(有冇聽過佢收工約女仔?)冇呀,見佢好快返屋企,佢好黐家!(等埋位有冇見佢講電話同Send短訊?)冇呀,見佢睇劇本多,佢好勤力(口架)!」

Honey行山照的狗狗由吳偉豪飼養,2人分明約埋做運動!
Honey行山照的狗狗由吳偉豪飼養,2人分明約埋做運動!