吳卓羲臨時北上 靠麥玲玲打點

吳卓羲當然要請麥玲玲食番餐啦!
吳卓羲當然要請麥玲玲食番餐啦!

堪輿學家麥玲玲近年北上發展,開班授徒、開直播及出席活動,忙個不休,同時於內地發展了極好的人脈,更秘密成為了「萬能使者」。由於麥玲玲於深圳有物業,近年亦經常在當地居住,故不少到內地拍戲的劇組都有請她幫手安排隔離酒店、食宿等,近日北上參加綜藝節目《披荊斬棘》的吳卓羲,「食住行」都靠她安排。麥玲玲昨日受訪時笑言:「我依家做咗『隔離達人』,卓羲係臨急臨忙嚟內地,我喺深圳咪叫我幫手打點吓,我呢邊有司機、有車,佢一個人10件行李咁滯,隔離完即刻又要趕去湖南長沙。」吳卓羲亦很識做,雖然隔離完略見疲態兼行程甚趕,但亦特地請麥玲玲食日式烤肉,以表謝意。