【吳孟達病逝】與周星馳上契 銀幕最佳拍檔變老死不相往來

·2 分鐘文章
【吳孟達病逝】與周星馳上契 最佳拍檔變老死不相往來
【吳孟達病逝】與周星馳上契 最佳拍檔變老死不相往來

吳孟達嘅演藝旅途,同周星馳結下不解之緣,但二人最後合作作品已經係20年前嘅《少林足球》。外界成日傳佢地交惡反面,但達哥喺訪問有提過點解漸行漸遠,只係因為生活圈子唔同。

八十年代周星馳同吳孟達仍然喺TVB工作,當時佢地係街坊,有時會搵住喺附近、做緊編導嘅李力持去茶餐廳傾偈度橋。後來李力持負責嘅《他來自江湖》同《蓋世豪俠》,就係由周星馳同吳孟達主演。據講《他來自江湖》一場周星馳同吳孟達「惡搞」同劇萬梓良勸張鳳妮生性做人嘅戲份,就係3個人喺電視台出市區專車上度出嚟,佢地仲要夾定早啲返電視台偷偷拍!

【吳孟達病逝】與周星馳上契 最佳拍檔變老死不相往來
【吳孟達病逝】與周星馳上契 最佳拍檔變老死不相往來

呢兩套劇令佢地走紅,並且攜手進軍影壇,仲上埋契 — 做契爺嘅係後生啲嘅星爺!周星馳同吳孟達轉戰影圈第一套戲《賭聖》旋即成為全年票房冠軍,而1992年周星馳主演5部戲成為年度票房五強,當中3套係同達哥合作。之後佢片約不斷,作品有《鹿鼎記》、《審死官》、《逃學威龍》系列、《西遊記》系列、食神等,直至2001年的《少林足球》才告一段落。

【吳孟達病逝】與周星馳上契 最佳拍檔變老死不相往來
【吳孟達病逝】與周星馳上契 最佳拍檔變老死不相往來

外界傳過好多個點解呢對最佳螢幕拍檔此情不再嘅原因,包括周星馳性格問題、拍《功夫》時檔期有誤會等。達哥曾經解釋,本來同轉做導演嘅周星馳有機會再合作,不過《功夫》因為沙士而延遲開鏡,搞到同之前傾好嘅劇集撞期。而近期啲嘅《美人魚》,就因為身體毛病而要推戲。

工作以外,達哥喺一個訪問講到,同星爺冇再聯絡,令佢有「老死不相往來」嘅感覺,又會諗咩原因令佢地再冇聯繫。言談間達哥冇咩要控訴,只係話「相識一場,緣分都不容易!」,而且感激有星爺,佢到而家都有飯食。

早前吳孟達病危消息傳出,曾經同二人合作嘅田啟文(田雞)透露,星爺曾經打電話俾佢關心達哥情況,睇吓有冇嘢可以幫手。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能