吳少芳逝世︳一場車禍撞碎星途四肢癱瘓 Jodi積極面對「唔死就有解決方法」

·2 分鐘文章
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」

1992年,由吳少芳(Jodi)及蔡慧玲(Connie)女子組合Face to Face出道2年,已經得過新人獎,亦有代表作《情迷Milano》、《一些》、《Face to Face》等,比同期嘅女團Echo及夢劇院人氣稍勝一籌,仲試過跟黎明去美加登台,但係一場車禍令到呢對女團,未能再創高峰。

當時Jodi由褓姆揸車送返屋企,點知私家車喺屋企附近同泥頭車相撞,褓姆死亡,Jodi重傷昏迷。Jodi入住深切治療部5個月,總算大步檻過,但係四肢癱瘓,而且傷及肺部影響發聲,只能告別樂壇。

Jodi拍檔Connie亦決定「齊上齊落」退出,Connie多年後受訪時坦言當時有唱片公司向佢招手作獨立發展,但係自己想像唔到如果咁做Jodi會點,於是轉做唱片公司文職。雖然係咁,Jodi 同Connie從未宣佈拆夥,而且多年來Connie都有照顧探望Jodi,仲試過參加TVB慈善show。

吳少芳逝世︳一場車禍撞碎星途四肢癱瘓 Jodi積極面對「唔死就有解決方法」
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」

出事後Jodi有好幾年要依賴年邁父母及當時剛新婚嘅妹妹照顧,但係Jodi想父母安享晚年,所以決定搬出嚟住嘗試自立。財政方面,好在經理人李進(黎明同鄭秀文前經理人)幫手跟進保險賠償事宜,生活不成問題。

即使行動不便,Jodi仍然積極面對生活,曾經作曲作詞並且被歌手錄用,又會同朋友喺街busking,仲試過親自安排一家人出國旅遊個幾月。2年前鄭秀文開演唱會,邀請咗Jodi做嘉賓合唱,並且讚揚Jodi充滿正能量。能夠面對困境,Jodi成為唔少講座嘉賓為聽眾打氣,佢話「死好似好簡單,但係唔死就有好多方法解決問題」。

吳少芳逝世︳一場車禍撞碎星途四肢癱瘓 Jodi積極面對「唔死就有解決方法」
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」

近年Jodi患上癌症,即使後來身體情況轉差,佢都同探病嘅DJ老友李志剛講「我唔會咁快死,我好有生命力」。可惜Jodi病情未有好轉而病逝,終年54歲。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

吳少芳逝世︳一場車禍撞碎星途四肢癱瘓 Jodi積極面對「唔死就有解決方法」
吳少芳逝世︳一場車禍撞碎星途四肢癱瘓 Jodi積極面對「唔死就有解決方法」