吳業坤赴日做待業青年

東方日報
·1 分鐘文章
吳業坤
吳業坤

身為日本大熱動漫《鬼滅之刃》粉絲的吳業坤日前到大阪,偕日本音樂人高木洋一郎翻唱劇場版主題曲《炎》,向影片觀看次數破億的原唱者LiSA「挑機」。現時仍留日的坤坤昨日受訪時表示:「Working Holiday要趁30歲前申請,咁暫時冇劇拍,咪嚟日本體驗生活,學日文、空手道同拍吓片,想喺一個冇人識我嘅地方試吓由零開始,乜都靠自己,學識珍惜擁有。」

問到可有嘗試打工?他自言是待業青年:「喺日本可以搵滑雪場、溫泉旅館或者農場啲工,但一打要打3個月,暫時未搵到工,其實用Working Holiday Visa嚟日本,未必一定要打工先可以留低,我帶咗幾萬蚊港幣嚟,應該夠用。」雖然日本疫情惡化,但他叫歌迷毋須擔心,因其所住地區非市中心,除了返學及拍片外,不會到人口密集之地,並會戴口罩及勤消毒:「我仲想喺日本逗留長啲時間。」