吳沚默無家可歸 搵朋友黐餐

東方日報
·1 分鐘文章
吳沚默懷念小時候在內地過節,獲任職校長的爺爺贈詩。
吳沚默懷念小時候在內地過節,獲任職校長的爺爺贈詩。

無綫「文青女神」吳沚默因疫情關係,今年未能返內地與家人度歲,幸好向來人緣不俗,獲朋友「收留」照顧,佳節才不致太孤清,她說:「同父母視像拜年,惟有安慰自己可以見多啲朋友,叫朋友加多對筷子,收留我。」

除了演戲,她亦喜歡寫作,擁不少小說作品,舉手投足散發濃濃文青氣息,原來她出身書香世家:「屋企人有老師,爺爺就係校長,好懷念小時候去江西同爺爺、嫲嫲一齊過年,大家會喺庭院飲茶、練字,好清靜。」不少人愛「點歌」憑歌寄意,沚默爺爺則會叫她「點詩」,每年農曆新年都會問她喜歡哪首詩,然後用毛筆寫好作禮物:「爺爺嫲嫲依家返咗天家,呢啲手寫嘅禮物,變成我好珍貴嘅回憶,好多都裱起掛喺屋企,感覺好溫暖!」