吳海昕拍戲加料牆上寫心事

被任賢齊與陳湛文怒睥,吳海昕只好交吓戲扮驚。
被任賢齊與陳湛文怒睥,吳海昕只好交吓戲扮驚。

任賢齊(小齊)、吳海昕及陳湛文日前為電影《失衡兇間:唐樓》開工,小齊指自己特別為該片剷了平頭裝。戲中吳海昕飾演神經質的小說家,一有靈感便會在牆上寫字,該片導演馮志強卻踢爆她喜歡「加料」:「牆上好多字都係佢自己臨場加上去,嗰啲『我很愛你但我們不能走在一起』就唔係我哋寫嘅,唔知佢係咪有乜嘢心結啦!」由於該片當晚煞科,監製鄧漢強及寰亞高層莊澄亦有到現場,小齊亦「萬歲」請食消夜。

監製鄧漢強指《失衡兇間》由3個故事組成,許業生導演的首個章節《失衡兇間:暗角》由顏卓靈主演、鄭丹瑞友情演出,亦已經拍完,第3個故事正密鑼緊鼓籌備。