吳若希嬲爆被重提「咖喱」!約網民到電視城挑機

·1 分鐘文章
吳若希嬲爆被重提「咖喱」!約網民到電視城挑機
吳若希嬲爆被重提「咖喱」!約網民到電視城挑機

歌手吳若希向來惹火,啱啱先發生「農莊刪相」事件,被網民「踩場」狂轟佢「好大官威」,點知佢尋晚喺個人影片頻道分享同老公嘅節目時,喺留言區又同網民開火。話說佢哋煮辣雞料理,希望搣甩自己地獄廚神之名,點知有網民就留言指同吳若希有過一面之緣,話喺酒廊見過對方:「咖喱!好耐之前你坐過我,以前你啲枚好屎啦,不過飲酒就唔賴皮都算幾好玩,幾時有機會再同你劈過?」

吳若希節目中整辣雞!
吳若希節目中整辣雞!
同老公一齊整!
同老公一齊整!

吳若希即反擊:「唔識你?你邊位?」該網民即回:「你見到我就知道!之前成日落去搵你玩。」吳若希即叫對方可以當面對質:「我聽日返TVB,大概中午12點收,聽日見,PM我你電話。」該網民就話:「依家你巴閉啦!大明星仲識得我咩?電話又改埋,依家你連你契爺都少搵啦!」吳若希即話大家見面先講,不過該網民就話唔想參觀電視城,所以拒絕赴會,之後仲有網民好奇佢點解叫咖喱添!

有網民自稱當年喺酒廊見過吳若希!
有網民自稱當年喺酒廊見過吳若希!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能