吳若希拉隊搞《姊妹淘》Re-U

陳詩欣(左起)、王子涵、吳若希母女、莊思敏及蔡嘉欣約埋一齊去玩。
陳詩欣(左起)、王子涵、吳若希母女、莊思敏及蔡嘉欣約埋一齊去玩。

無綫J2長壽節目《姊妹淘》播足10年共4輯過千集,惟早前突被腰斬終告一段落,一眾主持亦各散東西,雖然她們曾傳出不和多時,但其實私底下非常友好,近日更相約一班台前幕後到主題樂園遊玩兼Re-U!

蔡嘉欣在社交網上載大合照,見莊思敏、王子涵都有現身,而準新娘陳詩欣更帶埋未婚夫同行,吳若希則一家三口出席,場面熱鬧!一班靚女以藍白色姊妹裝上陣,認真襯到絕!蔡嘉欣留言表示期待下一次再聚:「好齊人呀,下次咁齊人係咪陳詩欣婚禮?」