吳若希預告 發力收復失地

東方日報
·2 分鐘文章
心繫一對小朋友的吳若希,決心待BB半歲即全面復工,看來菊梓喬都要加把勁喇!
心繫一對小朋友的吳若希,決心待BB半歲即全面復工,看來菊梓喬都要加把勁喇!

近年主力湊B的吳若希,事業上處於浮沉狀態,不過前晚出席無綫活動時,她揚言大約1個月後,便會把工作量回復正常,全力拚搏收復失地。

藝人吳若希、張繼聰、洪卓立以及菊梓喬等前晚出席「TVB X QQ音樂」記者會,推廣廣東歌到內地市場。由於今次與無綫合作的QQ音樂平台有8億客戶,為隆重其事,騰訊音樂娛樂集團副總裁侯德洋更現身,與無綫高層樂易玲及何麗全齊於台上主持儀式,眾歌手大感興奮,認為對推動本地樂壇有很大幫助。

活動上,吳若希幾乎全程罩不離口,她直認要相當小心:「話晒屋企有兩個命根(一對小朋友)。」談到新工作,她繼續「慈母上身」謂:「屋企小朋友仲細,想畀多少少時間喺屋企,所以都係《姊妹淘》,同埋錄影《勁歌金曲》咁,做啲瑣碎嘅工作,有時都心急返屋企湊女。(幾時先開始拚搏收復失地?)等BB半歲啦,即係等多1個月左右,之後要正常做嘢,趕進度喇!」

張繼聰相隔4年再踏足電視城,他笑謂:「好開心,見番咁多朋友,只不過我咁耐冇做音樂,(同活動)好似唔係好關事。」他表示近期有搵過王祖藍,並為對方打氣。

洪卓立要識50個人

歌手洪卓立即將出發到內地工作半年,記者打趣問他會否識個女友才返港?他說:「應該會識到異性,相士話我今年要識50個新朋友。(點解?)佢話我愈老會愈宅,要多啲出去先得,而且今年桃花運勁。(閃婚?)到時先算啦。(攞咗隻狗去湯怡度寄養未?)我諗住最後一刻先,自己唔捨得,同埋話晒佢係大肚婆,唔想搞住佢。」

菊梓喬
菊梓喬
樂易玲(前排左起)、侯德洋及何麗全主持儀式。
樂易玲(前排左起)、侯德洋及何麗全主持儀式。