吳鎮宇難忘演廿歲減磅操肌 星爺作曲填詞爭原創歌曲獎

吳鎮宇入圍影帝;周星馳憑《美人魚》入圍「最佳導演」、「最佳編劇」、「最佳原創電影歌曲」。

【星島日報報道】《七月與安生》最威水,獲《第36屆香港電影金像獎》12項提名,其次是獲10項提名的《寒戰II》;《美人魚》、《點五步》、《一念無明》同獲8項提名;《樹大招風》、《擺渡人》獲得7項。 周星馳憑《美人魚》有份入圍3項個人獎,包括「最佳導演」、「最佳編劇」,令人驚喜的是星爺作曲填詞的美人魚主題曲《無敵》入圍「最佳原創電影歌曲」。 角逐影帝的林家棟開心入圍:「除咗自己之外大家都好努力,小齊(任賢齊)、剪接師,自己開心大家開心,恭喜《樹大招風》。」 憑《脫皮爸爸》入圍影帝的吳鎮宇,憶起在片中由老演到嫩的痛苦回憶,曾在12日間減廿磅兼操肌,他說:「呢套戲都幾難搞,要演6個唔同年齡嘅人,預計用咗半年時間冇做其他野。化阿伯妝化4個鐘頭,畀12日我減廿磅操4嚿腹肌,扮廿幾歲嘅人,肌肉痛到喊。」 首次提名影帝的余文樂在《一念無明》中演患有躁鬱症的角色,他高興有零的突破:「今日收到好多祝福,好開心,算係首次提名、零的突破。好多身邊朋友、屋企人,公司都好開心,尤其是志偉打畀我通知我。我開心係因為大家為部戲付出咗好多,今次有好成績大家都開心。」 鮑起靜憑《大手牽小手》有份角逐「最佳女主角」,再次挑戰影后寶座,今屆她將與惠英紅、湯唯、馬思純、周冬雨拗手瓜,對此鮑姐回應:「開心!感謝!如在夢中!雖然對手強勁!自己取得好成績就好了!」 《樹大招風》編劇伍奇偉有份入圍「最佳編劇」,他感謝各界的肯定:「好榮幸得到香港電影金像獎的入圍肯定。在此先再次感激歐文傑導演和銀河映像給我這次機會。」

睇更多